Ялалтын 66 жилийн ойд зориулан Улаан талбайд өчигдөр болсон цэргийн парад нь орчин үеийн Орос улсын түүхэн дэх хамгийн өргөн хэмжээний баярын жагсаал боллоо.
Түүнд Зэвсэгт хүчин болон бусад хүчний байгууллагуудын 20 мянга орчим албан хаагчид оролцжээ.

Мөн Орост үйлдвэрлэсэн "Тополь-М” пуужингийн цог­цолбор, С-400 "Триумф” зе­нитийн пуужингийн харвах төхөө­рөг, "Панцирь-С1” зенитийн пуужингийн цогцолбор, "Смерч” зэрэг галлах тийрэлтэт систем зэрэг хамгийн орчин үеийн байлдааны зэвсэг техникүүд Улаан талбайгаар явж өнгөрсөн байна.

Аугаа их Эх орны дайны ялалтын 66 жилийн ойн баярын ажиллагааны үеэр улс орон даяар нийтдээ 200 гаруй мянган цагдаагийн ажилтан аюулгүй байдлыг хангах ажиллагаанд оролцлоо гэж ОХУ-ын Дотоод явдлын яамны орлогч сайд М. Суходольский мэдэгдсэн байна. Баярын арга хэмжээ тус орны 5 300 гаруй хот, сууринд болсноос 100 гаруй хотод цэргийн техник оролцсон парад зохион байгуулжээ.

Урьдчилсан мэдээгээр, эдгээр ёслолын арга хэмжээнд нийтдээ 14 сая орчим хүн оролцсон байна. Мөн энэ үеэр дэг журам сахиулах, аюулгүй байдлыг хангах ажилд дотоодын цэргийн 13 мянган албан хаагч, хувийн хамгаалалтын албадын 10 мянга орчим ажилтан, 5500 орчим казахууд дайчлагдлан ажиллалаа гэж Суходольский дурдсан байна.






























Эх сурвалж : Olloo.mn