Морины гэгдэн ард түмний хүндлэлийг явч яваа дуучдын тэргүүн эгнээнд МУГЖ, Гэнэнгийн Батбаяр явдаг гэхэд болно. Тэрээр даанч сайхан дуулдаг, сайхан ч хүн. Нэгэн цагт осолд ороод ард түмний хүчээр боссон гэж ярих дуртай эрхэм дуучин маань залуудаа нэлээд "хөдөлгөөнтэй” нэгэн байсан бололтой. Ингэж хэлэхийн учир нь түүний залуу цагийн төрхийг тодорхойлсон нэг залуу дуучин гараад ирж. Түүнийг Алтангэрэлийн Анхбаяр гэдэг бөгөөд өөрийгөө Морины Батбаярын "нууц хүүхэд” гэж олонд зарлаад явдаг аж.

"Аяа, би ээжийгээ уйлуулж дуулуулж өслөө дөө
Аяа би ээжтэйгээ эрхлэн наадаж явнаа...” энэхүү дууг дуулдаг залуу бол өөрийнх нь хэлсэнээр Морины Батбаярын "нууц хүү” Анхбаяр. Тэрээр –"Би бол морины Батбаярын хүү бөгөөд түүний залгамж халааг авч яваа хүн”. Аав бид хоёр хамтарч морины дуу дуулсан. Би удахгүй Монголын дууны ертөнцөд цахиур хагална хэмээн ихэд хөлчүүрхэн "аархаж” явна. Үнэхээр ч түүний дүр төрх МУГЖ, Батбаяртай адилаас гадна хоолойн цараа нь ч таггүй юм. Харин Морины Батбаяраас илүү хэт онгироо, их агсам, "би”-гээр өвчилчихсөн бололтой. Хийж амжаагүй байж, "том дуучин”-аар занималдаж, бор дарсанд шунах хэрэггүй гэдгийг ойлгохгүй   хэмжээний энэ ухамсар дорой "хүүг” Батбаяр ахын эхнэр мэддэг болов уу. Ямартай ч аав нь мэддэг бөгөөд хамтарч дуу дуулсаныг бодоход хүүд их л найдлага тавьсан аж. Гэтэл хүүгийнх нь байгаа байдал аавыгаа бухимдуулахад хүрч байх юм. Уг нь нууц нууцаараа байх шиг сайхан юм гэж хаа байх билээ.