Дээрх бичлэгүүд дээр хамгийн их анзаарагдсан зүйлс гэвэл:
1. Үйлчилгээний залны хөгжимийн сонголт
2. Үйлчилгээний ажилтны "үйлчлүүлэгчийг тоохгүй байх төлөв байдал" зэрэг байлаа.

Хөгжмийн зөв сонголт хийснээр:
1. Хэрэглэгчийг удаан хүлээлгэж байгаа тохиолдолд бухимдал төрүүлэхгүй байх
/Үүний наад захын жишээ гэвэл онгоцны буудлын нислэгээ хүлээх танхимд намуун зөөлөн өнгө аястай хөгжим явдаг. Энэ ч мөн адил зорилготой./
2. Тухтай орчинд үйлчлүүлснээр худалдан авах сонголтоо зөв хийх зэрэгт нөлөөлдөг гэхчилэн зүйлст нөлөөлдөг. Тэр ч үүднээсээ миний хувьд "хөгжимийн сонголт"-ыг ихэд чухалчлан үздэг. Мэдээж спорт хувцас, хэрэгслийн дэлгүүр, ресторан хоёрт ижил төрлийн хөгжим явуулаад байна гэсэн үг биш гэдгийг анхаарах хэрэгтэй..

Өнгөрсөн зунаас "Юнител"-ийн салбар төвүүд зааландаа хөгжим явуулах болсон. Гэсэн хэдий боловч заалны хөгжмөөр "бүтээгдэхүүнийхээ реклам"-ыг цацаж байсан нь надад төдийлөн оновчтой санагдаагүй.

Эцэст нь одоогийн болон ирээдүйн бизнес эрхлэгчиддээ жижиг боловч дээрх зүйлсийг үргэлж санаж явахыг хүсч байна.

Миний хувьд цаг их зарцуулдаг ажилд орсон тул төдийлөн блогоо идэвхтэйгээр хөтөлж чадалгүй явж байна. Гэсэн ч надад хандсан хэнд ч болов би өөрийн зүгээс чадахаараа тусламж, зөвлөгөө өгөхөд бэлэн байгаагаа хэлэхэд таатай байна.

Та бүхний ажилд өндөр амжилт хүсье..

Мэдээллийн эх сурвалж : http://enkhtor.blogspot.com